Aplikacioni "QuizUp" arrin 3 milion shkarkime në vetëm 3 javë!

Renditja e kësaj jave e përdorusëve Shqiptar në kategorinë e Matematikës, niveli i vështirë

Më 7 nëntor të këtij viti, kompania "Plain Vanilla" nga Islanda, ka lansuar aplikacionin "QuizUp". QuizUp është një aplikacion, që momentalisht mund të luhet vetëm në sistemin operativ "iOS", dhe që tematikë ka kuize të ndryshme në gjuhën angleze.

Në të ka kategori të shumta, nga më të ndryshmet. Përpos kësaj edhe ju mund të e pasuroni aplikacionin me propozime për pyetje, kategori e gjëra tjera. Është i thjeshtë, social dhe i përshtatshëm për të gjitha moshat.

Video Prezantimi i Aplikacionit

Ajo që e bënë edhe më të veçantë këtë aplikacion është se është përhapur në mënyrë marramendëse. Ka rritje prej rreth 130,000 shkarkimeve në ditë dhe ka arritur mbi 3,000,000 shkarkime. Është lansuar vetëm 3 javë më parë, dhe e ka shijuar madje pozitën e parë në App Store të Apple.

Aplikacioni luhet me "njerëz real" e jo me kompjutera. Mund të e testosh veten në mbi 300 tema të ndryshme. Në aplikacion janë mbi 200,000 pyetje, e ky numër po rritet çdo ditë. Thor Fridriksson, themelues dhe drejtor ekzekutiv tregon se një përdorues qëndron mesatarisht 40 minuta në ditë në aplikacion.

Suksesi i aplikacioneve të reja zakonisht matet me atë se për sa kohë e arrin milionin e parë të përdoruesëve. Twitterit iu deshën 24 muaj për të arritur 1,000,000 përdorues, pronarët e Forsquare është dashur të presin 13 muaj që ai të arrinte 1,000,000 shkarkime, Instagrami e ka arritur këtë shifër në 2 muaj e gjysëm. E QuizUp iu deshën vetëm 1 javë që të arrinte 1,000,000 përdorues të regjistruar.

Kompania Plain Vanilla momentalisht po punon shumë që hapi i ardhshëm të jetë një verzion për përdoruesit e Androidit, verzion ky që pritet të lansohet në Janar të 2014.