Sa gjëra të mrekullueshme bëjnë njerëzit.. për 5 dollarë!

Ose edhe - sa lehtë mund të fitosh me 5 dollarë!

Fiverr është një shërbim i famshëm, por që nuk është edhe aq i dëgjuar (ndoshta) në Kosovë. Në faqen fiverr njerëzit ofrojnë apo blejnë shërbime nga më të ndryshme për vetëm 5$.

Dhurata, dizajne grafike, video, shaka, marketing, shkrime e shumë gjëra tjera ofrohen në fiverr.

P.sh. për vetëm 5$, një vajzë në bikini do të kërcejë me një shkrim në dorë (sipas kërkesës suaj) dhe me një maskë të kalit në kokë!! Një gjë mjaft e çmendur për shumëkë, por ajo fiton mjaft.

Një tjetër thotë se për vetëm 5$ do të ua plotësojë dëshirën!! Kujdes, ai nuk pranon dëshira të këqija..

Pastaj, mund të ju duhet ndonjë logo për biznesin tuaj, një person ju ofron 3 logo profesionale dhe origjinale, për çmimin që tashmë e kuptuat..

Nëse dëshironi të rendisni faqen tuaj në google, shumë persona ofrojnë shërbime nga më të ndryshme që mund të ju ndihmojnë në këtë aspekt.. Përsëri, për vetëm 5$.

E në fakt, përveç shërbimeve të shumta interesante që mund të i kryeni për 5 dollarë, ju edhe mund të ofroni të tilla. Nëse vlerësoni se keni talent për ndonjë fushë ku mund të i oforni shërbime të shpejta njerëzëve, ju shumë lehtë mund të bëni mijëra euro. Mjafton të jeni kreativ dhe të ofroni gjëra që mund të kryhen lehtë, e akoma të jenë të kërkueshme nga njerëzit.

Ju inkurajoj ta provoni!